SuperDizionari

li che loc.coniun.

Cun valôr locatîf par introdusi relativis, interogativis indiretis o ancje interogativis diretis cence inversion dal pronon subiet aton

sinonims

dulà che, là che, indulà che

esemplis

"su la voltade, subit dopo dal puintut di len, li che la stradute di Cleve e va fûr te Strade Disot, al comparì Zuanat"

gjavât fûr di "La aghe da pît la cleve" di Dino Virgili

"lui nol saveve nancje plui li che al jere"

gjavât fûr di "Par stradis lungjis" di Alan Brusini

li che loc.coniun.

Ancje par introdusi une precisazion, une esplicazion

sinonims

dulà che, là che, indulà che

esemplis

"«O ai scomençât intune piçule radio di Puart, Lt2. Li che “L” al stave par Livence e “T” par Tiliment»"

gjavât fûr di "Il dj pendolâr" di Dree Venier

li che loc.coniun.

Par introdusi une aversative

sinonims

là che, dulà che, intant che, invezit, impen, indulà che

esemplis

"la provincie di Udin e à pierdût trê voltis tant la medie taliane [te produzion di redit] (-16% cuintri il -5,7%), li che invezit la provincie di Triest e je cressude dal 2,3%"

gjavât fûr di "Friûl cence progjet e direzion. Ma la sperance di avignî si pues tornâ a fâ sù" di Erika Adami

"Marx al calcolave il svilup industriâl, disseparât dal capitalisim, tant che un model e un procès positîf pe liberazion dal om de dibisugne. Li che, in realtât, cheste dipendence no je separabile di une economie fondade sul industrialisim"

gjavât fûr di "La invenzion dal stât" di Fabian Ros

monolengâl